Kóktaıǵaq: Semeıde ekinshi aýysymdaǵy 0-9 synyptar mektepke barmaıdy

SEMEI. QazAqparat – Semeı qalasynda ekinshi aýysymdaǵy 0-9 synyp oqýshylary qashyqtan oqıtyn boldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Semeıde 20 jeltoqsanda aýa raıynyń nasharlaýyna, naqty aıtqanda kóktaıǵaqqa baılanysty ekinshi aýysymdaǵy 0-9 synyp oqýshylary onlaın formatta oqıtyn boldy.

«Tańerteń qaladaǵy 9 synypqa deıingi oqýshylar sabaqty qashyqtan oqyǵan. Sondaı-aq kóktaıǵaq saldarynan Kýrchatov qalasyndaǵy 0-11 synyp oqýshylary da mektepke barmady», - dep habarlady vedomstvo ókilderi.

Esterińizge sala ketsek, osyǵan deıin kóktaıǵaq pen qar aralas jańbyr jaýýyna baılanysty «Semeı-Kýrchatov» tasjolynyń jabylǵandyǵy habarlanǵan bolatyn.