Kóktaıǵaq: «Semeı-Kýrchatov» joly jabyldy
ÓSKEMEN. QazAqparat – Shyǵys Qazaqstan oblysyndaǵy «Semeı-Kýrchatov» tasjoly jabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, aýa raıynyń nasharlaýyna, naqty aıtqanda kóktaıǵaq pen qar aralas jańbyr jaýýyna baılanysty óńirdegi tasjoldardyń biri jabyldy.
«Saǵat 22-30-dan bastap oblystyq mańyzy bar «Semeı-Kýrchatov» tasjolynyń 4-130 shaqyrymy kóliktiń barlyq túrleri úshin jabyldy», - delingen aqparatta.
Osy rette departament mamandary turǵyndarǵa alys saparǵa shyqpaýǵa, joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
