Kóktaıǵaq saldarynan respýblıkalyq joldardyń ýchaskeleri jabyldy
ASTANA. QazAqparat - Kóktaıǵaq saldarynan elimizdiń aýmaǵyndaǵy birqatar respýblıkalyq joldarda kólik qozǵalysy shekteldi.
«Qazaqavtojol» RMK málimetine qaraǵanda, «Ekaterınbor-Almaty» jolynyń 1492-2005 shaqyrymyndaǵy Qaraǵandy men Jambyl oblysy shekarasy aralyǵynda kóliktiń barlyq túrleri úshin jol jabyldy.
Budan bólek, «Qyzylorda-Pavlodar» jolynyń 433-905 shaqyrymyndaǵy Jezqazǵan men Topar ýchaskesinde júk jáne qoǵamdyq kólikterge jolǵa shyǵýǵa tyıym salyndy.
Munymen qosa, kóktaıǵaq pen jańbyrǵa baılanysty «Qyzylorda-Pavlodar» jolynyń 970-1135 shaqyrymyndaǵy Qaraǵandy men Pavlodar oblysy shekarasy aýmaǵynda da júk jáne qoǵamdyq kólikterge qozǵalys shekteldi.
Budan buryn habarlanǵandaı, boran saldarynan Aqmola oblysy jáne SQO aýmaǵyndaǵy joldar jabylǵan bolatyn.
