Kóktaıǵaq pen tuman: Almaty qutqarýshylary aýa raıyna baılanysty eskertý jasady

ALMATY. QazAqparat - Almaty qalada kóktaıǵaq pen tuman bolýyna baılanysty qalalyq tótenshe jaǵdaılar departamenti qala turǵyndaryn abaı bolýǵa shaqyrdy, dep habarlaıdy QazAqparat tilshisi.

Qalalyq tótenshe jaǵdaılar departamenti qar men kóktaıǵaq kezinde kóliktiń júrisi nasharlap, júrgizýshi kólikke ıe bola almaı, jaıaý júrginshilerdi qaǵyp ketýi múmkin ekenin eske saldy.

Osyǵan oraı, Almaty qalalyq TJD mynadaı málimdemesin jarııa etti:

- kóshelerden tek jol qozǵalysy erejesimen belgilengen oryndardan ǵana ótý kerek;

- joldan ótken kezde, basqa isterge (uıaly telefonmen sóılesý jáne t. b.) alańdamańyz;

- aldyńyzǵa, aıaqtyń astyna qarap júrińiz;

- aıaq kıimdi durys tańdaý aýdarý kerek. Aıaq kıim budyrly órnegi bar, taıǵanamaıtyn materıaldan jasalǵan, tegis tabandy bolýy tıis;

- qolyńyzdy qaltańyzǵa salmańyz, bul muzda tepe-teńdikti saqtaýǵa múmkindik beredi;

– esińizde bolsyn, jaıaýjoldar, kólik aıaldamalary, dúkenderge kire beristegi baspaldaqtar, tipti, úılerdegi kireberister - adamdar jıi jaraqat alyp, qulaıtyn oryndar bolyp tabylady.

Buǵan deıin Qazaqstannyń basym bóliginde fronttardyń ótýine baılanysty aýa raıynyń turaqsyz sıpaty saqtalyp, jaýyn-shashyn jaýatynyn jazǵan bolatynbyz.