Kóktaıǵaq: Óskemende úsh kúnde 80 adam zardap shekti

ÓSKEMEN. QazAqparat – Óskemen qalasynda úsh kúnde kóktaıǵaq saldarynan 80 adam jaraqat aldy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, sońǵy kúnderi turǵyndar arasynda kóktaıǵaq saldarynan jaraqat alyp, qol-aıaǵy kógerip, synǵandar sany kúrt kóbeıgen.

Óskemendegi aýrýhanalarǵa sońǵy 3 kúnde 80 adam júgindi. Onyń ishinde 8 azamat aýrýhanaǵa jatqyzylǵan.

«Keshe qaladaǵy medıtsınalyq mekemelerge 30 adam keldi. Jurtshylyqqa taıǵanap qulap, qandaı da bir jaraqat alǵan jaǵdaıda birden dárigerlerge qaralý kerektigin eskertemiz», - dep habarlady vedomstvo ókilderi.