Kóktaıǵaq: Óskemende eki kúnde 70-ten astam adam jaraqat aldy
ÓSKEMEN. QazAqparat – Óskemen qalasynda kóktaıǵaq saldarynan eki kúnde 70-ten astam adam jaraqat aldy, dep habarlaıdy QazAqparat tilshisi.
ShQO mamandandyrylǵan medıtsınalyq ortalyqtyń málimetine súıensek, sońǵy kúnderi Óskemende kóktaıǵaq saldarynan zardap shekkender sany kúrt artqan.
«6 jeltoqsan kúni 40 adam, 7 jeltoqsanda 36 adam taıǵanaqtan qulap, jaraqat aldy. Sondaı-aq Semeı qalasynda keshe dál osyndaı sebeppen 40 adam medıtsınalyq mekemelerge júgindi. Onyń ishinde 15 bala bar. Osy rette, turǵyndarǵa kóktaıǵaqtan qulap, qol-aıaǵy aýyrǵan jaǵdaıda mindetti túrde dárigerge qaralý qajettigin eskertemiz», - delingen aqparatta.
Esterińizge sala ketsek, keshe ShQO-da kóktaıǵaqqa baılanysty birqatar jol jabylǵany habarlanǵan.
