Kóktaıǵaq: Óskemende avtobýs baǵdarsham baǵanasyna soǵyldy
ÓSKEMEN. QazAqparat – Óskemen qalasynda kóktaıǵaq saldarynan avtobýs baǵdarsham baǵanasyna baryp soǵylǵan, dep habarlaıdy QazAqparat.
Qalalyq polıtsııa basqarmasynyń málimetine súıensek, jol-kólik oqıǵasy búgin tańerteń Chehov pen Qabanbaı batyr kósheleriniń qıylysynda bolǵan. №3 baǵyttaǵy avtobýs burylǵan kezde baǵdarsham baǵanasyna soǵylǵan.
«Zardap shekken eshkim joq. Qozǵalys kezinde aýa raıy jaǵdaıyn eskermegen qoǵamdyq kólik júrgizýshisine qatysty ákimshilik hattama toltyryldy», - dep habarlady vedomstvo ókilderi.
