Kóktaıǵaq: Qazaqstannyń basym bóliginde aýa raıyna baılanysty eskertý jarııalandy

ASTANA. KAZINFORM – 31 qańtarda elimizdiń basym bóliginde burqasyn, kóktaıǵaq, tuman kútiledi, dep habarlaıdy «Qazgıdromet» RMK baspasóz qyzmeti.

Almatyda tuman túsip, joldar kóktaıǵaq bolady.

Shymkentte túnde qar jaýyp, kóktaıǵaq bolyp, tuman túsedi.

Abaı oblysynda qar jaýyp, túnde oblystyń batysy men soltústiginde burqasyn bolady.

Atyraý oblysynyń batysynda, soltústiginde jáne ońtústiginde tuman, kóktaıǵaq kútiledi.

Aqtóbe oblysynyń soltústigi men shyǵysynda kóktaıǵaq kútiledi. Oblystyń batysy men ońtústiginde tuman túsedi.

Aqmola oblysynyń ońtústigi men shyǵysynda túnde azdaǵan qar jaýyp, burqasyn bolady. Oblystyń batysynda, ońtústiginde jáne shyǵysynda tuman túsedi.

Almaty oblysynda túnde keı jerlerde qar, kúndiz jaýyn-shashyn (kóbinese qar) kútiledi. Oblystyń soltústik, ońtústik, taýly aımaqtarynda tuman túsip, joldar kóktaıǵaq bolady. Shyǵysta soltústik-batystan jel soǵady, oblystyń taýly aımaqtarynda ekpini 15-20 m/s jetedi.

Shyǵys Qazaqstan oblysynda qar jaýady, túnde oblystyń soltústigi men shyǵysynda qalyń qar jaýyp, burqasyn kútiledi.

Túnde Jambyl oblysynyń taýly aımaqtarynda qar, kúndiz soltústik, ońtústik, taýly aımaqtarda jaýyn-shashyn (negizinen qar) kútiledi. Soltústikte, ońtústikte, oblystyń taýly aımaqtarynda tuman túsip, kóktaıǵaq bolyp, qar jaýady. Soltústik-batystan soǵatyn jeldiń kúshi oblystyń taýly aýdandarynda - 15-20 m/s.

Jetisý oblysynda túnde qar, kúndiz jaýyn-shashyn (kóbinese qar) kútiledi. Oblystyń taýly aımaqtarynda keı jerlerde tuman túsip, kóktaıǵaq bolady. Oblystyń soltústiginde ońtústik-batystan soǵatyn jeldiń ekpini - 15-20 m/s.

Batys Qazaqstan oblysynyń soltústigi men shyǵysynda tuman, kóktaıǵaq kútiledi.

Qaraǵandy oblysynda túnde qar jaýyp, burqasyn kútiledi.

Qostanaı oblysynyń batysy men ońtústiginde tuman túsedi.

Qyzylorda oblysynyń shyǵysynda, ońtústiginde jáne ortalyǵynda tuman, kóktaıǵaq kútiledi.

Mańǵystaý oblysynyń soltústik-shyǵysynda túnde jáne tańerteń tuman túsedi.

Pavlodar oblysynyń batysynda, ońtústiginde jáne shyǵysynda túnde qar jaýyp, burqasyn bolady, kúndiz azdaǵan qar jaýady. Oblystyń ońtústigi men shyǵysynda soltústik-batystan soǵatyn jeldiń ekpini - 15-20 m/s.

Soltústik Qazaqstan oblysynyń batysynda tuman kútiledi. Túnde soltústikte, batysta, taýly jáne taý bókterindegi aýdandarda, kúndiz Túrkistan oblysynyń taýly aımaqtarynda qar jaýyp, kóktaıǵaq kútiledi. Oblystyń soltústiginde, batysynda, taýly jáne taý bókterindegi aýdandarynda tuman túsip, oblystyń taýly asýlarynda burqasyn bolady. Soltústik-batystan soǵatyn jel ekpini - 15-20 m/s.

Ulytaý oblysynyń shyǵysynda túnde azdaǵan qar jaýady, burqasyn bolady. Oblystyń batysy men ońtústiginde kóktaıǵaq kútiledi. Oblystyń soltústiginde tuman túsedi.

Aıta keteıik, Jetisý oblysynda aýa raıyna baılanysty birneshe jolǵa shekteý qoıyldy.

Almatyda tolassyz qar jaýyp jatyr. Kommýnaldyq qyzmet jolǵa reagent seýip, 450-den astam arnaıy tehnıka shyǵardy.