Kóktaıǵaq, ekpindi jel, sýyq: sınoptıkter el turǵyndaryna taǵy da eskertý jasady

«Qazgıdromet» RMK sınoptıkteriniń aqparatyna sáıkes, 2023 jylǵy 16-21 jeltoqsan aralyǵynda eldiń batys bóliginen kele jatqan tsıklonnan aýa raıy kúrt buzylýy yqtımal.

Bul týraly Kazinform Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.

Sonymen, aldaǵy birneshe kúnde birqatar aımaqta qatty jaýyn jaýyp, temperatýranyń tómendeýi, kóktaıǵaq bolyp, ekpindi jel turýy, osynyń saldarynan joldyń kórinýi qıyndaýy múmkin.

Sonymen qatar, 16-17 jeltoqsan aralyǵynda tsıklon Batys Qazaqstan, Aqtóbe, Mańǵystaý oblystarynyń aýmaǵynan ótip, qalyń qar jaýyp, ekpindi jel turyp, boran soǵýy yqtımal.

18 jeltoqsannan bastap tsıklon eldiń soltústik, ortalyq jáne shyǵys bólikterine aýysyp, kún kúrt buşylady.

«Osyǵan baılanysty, «QazAvtoJol» bólimsheleri kúsheıtilgen jumys rejımine aýystyrylatyn bolady. Kezekshilikke 500-ge jýyq arnaıy tehnıka men 700 jolshylar jumyldyrylmaq»,-delingen habarlamada.