Kóktaıǵaq, ekpindi jel. 14 qańtarǵa arnalǵan aýa raıy boljamy

ASTANA. KAZINFORM — Qazaqstan aımaqtarynda 2025 jylǵy 14 qańtarda bolatyn qaýipti meteorologııalyq qubylystarǵa boljaý konsýltatsııa jarııalandy.

Sınoptıkter boljamyna sáıkes, antıtsıklon sileminiń áserinen QR kóp bóliginde jaýyn-shashynsyz aýa raıy saqtalady.

— Tek atmosferalyq frontaldy bólimderdiń ótýimen túnde respýblıkanyń batysynda, soltústik-batysynda qar, kúndiz jańbyr men qar túrinde jaýyn-shashyn, kóktaıǵaq kútiledi. Respýblıka boıynsha tuman boljanady. Eldiń soltústik-shyǵysynda, ońtústik-shyǵysynda jel kúsheıedi. Jetisý oblysyndaǵy Alakól kólderi aýdanynda ońtústik-shyǵystan soǵatyn ekpini keı ýaqyttarda 30 m/s jáne odan da kóp jel kútiledi, — delingen habarlamada.

Buǵan deıin elimizdiń batys óńirindegi eki oblysta aýa raıynyń kúrt ózgerýine baılanysty joldar jabylǵanyn habarlaǵan edik.