Kóktaıǵaq, burqasyn, jel – sársenbige arnalǵan aýa raıy boljamy
NUR-SULTAN. QazAqparat – Seısenbi kúni elimizdiń basym bóliginde aýa raıy qubylmaly bolady, dep habarlaıdy QazAqparat Qazgıdrometke silteme jasap.
«Atmosferalyq frontaldy bólikterdiń ótýine baılanysty respýblıkanyń basym bóliginde qubylmaly aýa raıy kútiledi, batystyń, soltústik-batystyń keı jerlerinde jańbyr jáne qar, soltústikte jáne shyǵysta qar jaýady, tek ońtústikte jáne ońtústik-shyǵysta antıtsıklon shoǵyrynyń áserinen kún raıy ashyq bolady. Keı jerlerde tuman kútiledi, jel kúsheıedi, soltústik pen shyǵystyń keı jerlerinde kóktaıǵaq bolyp, jaıaý burqasyn soǵady», delingen habarlamada.
Aqmola, Soltústik Qazaqstan oblystarynyń keı jerlerinde tuman, kóktaıǵaq, jaıaý burqasyn kútiledi, Aqmola oblysynda jel 15-20 m/s kúsheıedi.
Shyǵys Qazaqstan, Qostanaı oblystarynyń keı jerlerinde kóktaıǵaq kútiledi, jel 15-20 m/s kúsheıedi, Shyǵys Qazaqstan oblysynda burqasyn soǵady, Qostanaı oblysynda tuman túsýi yqtımal.
Almaty oblysynyń keı jerlerinde túnde jáne tańerteń tuman kútiledi, kúndiz Jalańashkól aýdanynda jel 15-20 m/s kúsheıedi.
Jambyl oblysynyń keı jerlerinde tuman túsedi, túnde jáne tańerteń jel 15-20 m/s kúsheıedi.
Túrkistan oblysynyń keı jerlerinde jel 15-20 m/s kúsheıedi.
Qyzylorda, Mańǵystaý, Atyraý, Batys Qazaqstan, Pavlodar, túnde jáne tańerteń Qaraǵandy oblystarynyń keı jerlerinde tuman túsýi yqtımal.
