Kóktaıǵaq, burqasyn: «Qazgıdromet» 15 qarashadaǵy aýa raıy boljamyn jarııalady
NUR-SULTAN. QazAqparat – «Qazgıdromet» 15 qarashadaǵy aýa raıyna qatysty boljamyn jarııalady, dep habarlaıdy QazAqparat.
Sınoptıkterdiń boljaýynsha, búgin soltústik-batys tsıklony Qazaqstan terrıtorııasymen tez jyljı otyryp, elimizdiń soltústik jartysynda kóbinese qar, ońtústigine jańbyr jaýýyna yqpal etedi.
Respýblıkanyń basym bóliginde jel kúsheıip, soltústikte jaıaý burqasyn, kóktaıǵaq bolyp, ońtústikte tuman túsedi.
Aqmola oblysynyń ońtústik-shyǵysynda kóktaıǵaq, jaıaý burqasyn bolyp, jeldiń jyldamdyǵy sekýndyna 15-20 metrge jetedi.
Qostanaı oblysynyń soltústiginde jel sekýndyna 15 metr jyldamdyqpen uıtqıdy jáne jaıaý burqasyn soǵady.
Aqtóbe oblysynyń batysy men soltústiginde jaıaý burqasyn, kóktaıǵaq bolady.
Túrkistan oblysynyń soltústiginde, batysynda jáne taýly aýdandarynda jel 15-20 metr jyldamdyqpen uıtqyp, túnde ekpini 23 m/s bolady, oblystyń ońtústigi men taýly aýdandarynda tuman túsedi.
Shyǵys Qazaqstan oblysynyń soltústiginde jaıaý burqasyn, tuman, kóktaıǵaq bolady, oblystyń batysynda jeldiń jyldamdyǵy sekýndyna 15-20 metrge jetedi.
Qaraǵandy oblysynyń soltústiginde, shyǵysy men ortalyǵynda kóktaıǵaq bolyp, jaıaý burqasyn soǵady, jel sekýndyna 15-20 metrge deıin kúsheıedi.
Jambyl oblysynyń ońtústik-batysynda, soltústik-shyǵysynda jáne taýly aýdandarynda jeldiń jyldamdyǵy sekýndyna 15-20 metrge jetedi, túnde ekpini 23-28, keı ýaqyttarda 30 m/s bolady jáne odan asýy yqtımal. Túnde jáne tańerteń oblystyń ońtústik-batysynda, soltústik-shyǵysynda jáne taýly aýdandarynda tuman, kóktaıǵaq, jaıaý burqasyn bolady.
Tańerteń jáne kúndiz Qyzylorda oblysynyń soltústiginde kóktaıǵaq bolady.
Soltústik Qazaqstan oblysynyń ońtústik-batysynda, Mańǵystaý oblysynyń batysy men soltústik-shyǵysynda, tańerteń jáne túnde Atyraý oblysynyń batysynda tuman túsedi.
Batys Qazaqstan oblysynyń soltústiginde tuman, kóktaıǵaq bolady.
Almaty oblysynyń ońtústigi men shyǵysynda tuman, kóktaıǵaq, soltústigi, ońtústigi men shyǵysynda jel sekýndyna 15-20 metrge jetedi, kúndiz ekpini 25 metr bolady.
