Kóktaıǵaq: Aqmola oblysynda 2 myń avtokólik jolda qalǵan

Aqmola oblysynda aýa raıynyń qolaısyzdyǵynan jolda qalǵan 2 myńnan astam avtokóliktiń júrýine patrýldik polıtsııa qyzmetkerleri kómektesti, dep habarlaıdy Kazinform.

Aýmaqtyq PD baspasóz qyzmetiniń málimetinshe, qarashanyń 22-sinde kún raıynyń buzylýyna baılanysty JAO, TJD jáne PD qyzmetkerleri birlesip, «Astana-Petropavl», «Kókshetaý-Rýzaevka», «Kókshetaý-Omby» jáne «Almaty-Ekaterınbor» baǵytyndaǵy avtojoldarda kólik qozǵalysyna shekteý qoıdy.

- Oblys aýmaǵyndaǵy barlyq avtokólik joldarynda 44 patrýldik polıtsııa ekıpajy, onyń ishinde 88 polıtsııa qyzmetkeri kezekshilik etti. Soǵan qaramastan sol kúni 8 jol-kólik oqıǵasy boldy. Zardap shekkender joq. Jalpy, kún raıynyń jaısyzdyǵynan jolda qalǵan 2080 avtokóliktiń júrýine patrýldik polıtsııa qyzmetkerleri kómektesti, - dedi vedomstvodan.

Osy rette, tártip saqshylary oblys turǵyndary men qonaqtaryna aýa raıy jaısyz bolǵan kúnderi alys jolǵa shyqpaýǵa keńes beredi.

Aıta ketsek, budan buryn Aqmola oblysynda boranda adasyp qalǵan úsh adam qutqarylǵanyn jazǵan edik.