«Kóktal» polıgonynda áýeden myńdaǵan paraqsha tastaldy
Jaraqtandyrýynda brondy tankti tehnıkasy men artıllerııalyq júıeleri bar desanttyq-shabýyldaý áskerleriniń bólimsheleri qarsylastyq tanytqan «sodyrlardy» oqshaýlaý men joıý úshin daǵdarys aýdanyna bet aldy.
«Qarataý - 2017» jedel-strategııalyq oqý-jattyǵýy óziniń belsendi fazasyna endi. «Kóktal» polıgonynda barlaý, desanttyq-shabýyldaý, materıaldyq-tehnıkalyq qamtamasyz etýdiń artıllerııalyq bólimderi men bólimshelerin qamtıtyn desanttyq-shabýyldaý áskerleriniń kúshteri men quraldary shoǵyrlandy. Oqý-jattyǵýdyń nıeti boıynsha komandırlerge zańsyz qarýly quralymdardy tabý, oqshaýlaý men joıýǵa baǵyttalǵan oqý-jaýyngerlik tapsyrmalar berildi.
Daǵdarys aýdanynda aqparattyq qarsy kúres bólimsheleri ondaǵy shartty qarsylasty úkimet tarapyna kóshýge úgit-nasıhattaý jóninde jumys júrgizýde. Jumys armııalyq avıatsııany paıdalana otyryp, paraqshalardy laqtyrý ádisimen júzege asyrylady. 10 myńnan asa paraqsha 30 sharshy metr aýmaqta taratyldy.
Operatsııa beıtanys jáne kúrdeli jaǵdaılarda ótýde. Áskerı qyzmetshiler jaýyngerlik jáne arnaıy tehnıkada shóleıt jáne taýly jerlerdi eńserip, ańǵar arqyly ótpeden ótip, shartty qarsylasty oqshaýlaýǵa múmkindik beretin bekinisterge jaıǵasty.
Búginde Desanttyq-shabýyldaý áskerleri beıtanys jerler men jaǵdaılarda ártúrli sıpattaǵy olarǵa júktelgen tapsyrmalardy tıimdi sheshýge múmkindik beretin qarý-jaraq pen áskerı tehnıkanyń zamanaýı úlgilerimen jabdyqtalǵan, - dep Desanttyq-shabýyldaý áskerleriniń qolbasshysy general-maıor Almaz Jumakeev atap ótti.
