Kóktal kentiniń 140 turǵyny jyljymaly densaýlyq pýnktinde medıtsınalyq tekserýden ótti
ASTANA. 23 tamyz. QazAqparat - Astanada Kóktal kentiniń turǵyndary aldyn ala medıtsınalyq tekserýden ótti. Bul týraly astana.kz saıtyna Densaýlyq saqtaý basqarmasynan habarlady.
Medıtsınalyq kómekke júgingen 140 adamnyń ishinde 36-sy otolarıngolog, 39-y kóz dárigeri, 12-i akýsher-gınekolog dárigerlerdiń qabyldaýynda bolyp, 23 adam ÝDZ, 30-y EKG (elektrokardıografııa), skrınıngtik tekserýlerden ótti. Turǵyndarǵa konsýltatsııalar berildi.
Eske salaıyq, jyljymaly medıtsınalyq keshen zamanaýı medıtsınalyq qondyrǵylarmen jabdyqtalǵan, onda jalpy tájirıbelik dárigerler, akýsher, oftalmolog, kóz dárigeri jáne t.b. qyzmet kórsetedi.
Halyqqa «Salamatty Qazaqstan-2030» baǵdarlamasy aıasynda josparly medıtsınalyq tekserýden ótý múmkindigi berilip otyr. Aýrýdy taralýdyń erte kezeńinde anyqtaý úshin adamdardy skrınıngten ótkizý uıymdastyrylǵan.
