Kóksý qant zaýyty kógildir otynǵa aýyssa shyǵyndar 20-25 paıyzǵa azaıady - A. Batalov
TALDYQORǴAN. QazAqparat-Almaty oblysyndaǵy Kóksý qant zaýytynda modernızatsııa jumystary júrip jatyr. Kásiporyn gazben jumys isteıtin bolsa, shyǵyndaryn 20-25 paıyzǵa azaıtady. Bul týraly Kóksý aýdanynyń sharýashylyqtaryn aralaǵan Almaty oblysynyń ákimi Amandyq Batalov málimdedi, - dep habarlaıdy QazAqparat tilshisi.
Kóksý qant zaýyty jylyna 10 myń tonnaǵa deıin mazýt jaǵady. Al Kóksý aýdanyna bıyl tabıǵı gaz keldi. Kásiporyn qazirgi tańda peshterin kógildir otynǵa yńǵaılap jatyr. Óńir basshysynyń aıtýynsha, tabıǵı gaz zaýyttyń shyǵyndaryn azaıtyp qana qoımaı qanttyń ózindik qunyn tómendetip, jumysshylardyń jalaqysyn kóterýge múmkindik beredi. Sondaı-aq aýanyń lastanýy tómendeıdi.
Jalpy bıyl Kóksý qant zaýyty 240 myń tonna qant qyzylshasyn óńdep, 28 myń tonna ónim shyǵarýdy josparlap otyr. 2017 jyly kásiporyn 1 mlrd teńgege qondyrǵylaryn jańartty.
