Kóksý aýdanynda 150 myń teńge para alǵan bólim basshysy 4,5 mln teńge aıyppul tóledi
«Kóksý aýdanynyń bilim bóliminiń basshysy bilim mekemelerine 9 dezınfektsııalaý tonnelin jetkizý jáne ornatý boıynsha memlekettik satyp alý týraly shart boıynsha oryndalǵan jumys aktilerine qol qoıǵan. Qol qoıǵany úshin JShS dırektorynan 150 000 teńge para alǵan. Para alǵany úshin oǵan 4,5 mln teńge kóleminde aıyppul salyndy»,- dedi sybaılas jemqorlyqqa qarsy agenttiktiń Almaty oblysy boıynsha departamenti basshysynyń birinshi orynbasary Jandos Jumabaev.
Sonymen qatar, Qapshaǵaı qalalyq bilim bólimi basshysynyń da zańsyz qarajat aýdarǵany úshin 2 jyl merzimge bas bostandyǵy shekteldi.
«Qapshaǵaı qalasy bilim bóliminiń basshysy qyzmettik jaǵdaıyn asyra paıdalanǵan. Ol aldyn ala sóz baılasý arqyly júıeli negizde jeke kásipkerlerdiń esep shottaryna aqsha aýdarǵan. ıAǵnı, olarmen qyzmet kórsetýge jáne orta mektepterde jumys kólemin naqty oryndaýǵa shart jasaspaı, jalpy somasy 1 mln teńgeden astam bıýdjet qarajatyn zańsyz aýdarǵan jáne júıeli túrde para alǵany úshin 2 jyl merzimge bas bostandyǵy shekteldi»,- dedi Jandos Jumabaev.
Onyń aıtýynsha, oblysta bıylǵy 8 aıda 69 adam jemqorlyq faktisi boıynsha sottaldy.
Onyń ishinde 64 adam 116,9 mln teńgeden astam somaǵa aıyppul salyndy, 2 adamnyń bas bostandyǵy shekteldi, 3 adam sottalyp, múlki tárkilendi jáne memlekettik qyzmette qyzmet atqarý quqyǵynan ómir boıyna aıyryldy.
«Statıstıkaǵa sáıkes, esepti kezeńde sybaılas jemqorlyq faktisimen anyqtalǵandardyń úshten biri jergilikti atqarýshy organdarǵa jáne olarǵa baǵynysty mekemelerge tıesili, onyń 11-i - bilim salasynda», - dedi J.Jumabaev.