Kókshetaýlyqtar jolaqyny kartamen tóleıtin bolady
KÓKShETAÝ. QazAqparat – Kókshetaý avtobýstarynda saralanǵan tarıf engizilgennen keıin jol júrý aqysyn kóterý josparlanyp otyr, dep habarlaıdy QazAqparat tilshisi.
«Jolaýshylar tasymaly» qaýymdastyǵynyń tóraǵasy Rústem Qalyshevtyń aıtýynsha, jolaqy kartasy engizilgennen keıin tólemder jańa jáne burynǵy ádispen qabyldana beredi.
«Qazir jańasha tólem jasaýdy engizý merzimi áli belgilengen joq. Biraq jyl sońyna deıin jolaýshylar tasymalymen aınalysatyn qalalyq marshrýttaǵy avtobýstar osy jańa júıege kóshetin bolady», - deıdi Rústem Qalyshev.
Qazirgi kezde Kóshetaýda qoǵamdyq kólikte júrý aqysy eresekter úshin - 80 teńge, balalar úshin - 40 teńge. Jańa júıe engizilgen kezde, tólem kartasyn paıdalanatyn turǵyndarǵa jolaqy baǵasy osy kólemde qala beredi. Al, qolma-qol aqshamen tóleıtinder úshin eresekterge – 150, balalarǵa - 70 teńge bolady.
Sonymen qatar, qaýymdastyq tóraǵasy keıbir sanattardaǵy jolaýshylarǵa jeńildikter bolatynyn aıtýda.
«13 sanattaǵy jolaýshylar úshin jeńildikter qarastyrylady. Bul sanattardy jergilikti atqarýshy bılik óz qamqorlyǵyna alady. ıAǵnı, olar bıýdjet esebinen júredi. Olarǵa derbestendirilgen kóliktik karta beriletin bolady», - dep túıindedi Rústem Qalyshev.
Osyǵan deıin habarlaǵanymyzdaı, jaqynda Kókshetaýda sý jańa 31 avtobýs paıdalanýǵa berilgen bolatyn. «YUTONG» markaly avtobýstar «Kókshetaý avtobýs parki» jaýapkershiligi shekteýli seriktestiginiń bastamasymen memlekettik-jekeshelik áriptestik sheńberinde «Saryarqaavtoónerkásip» kompanııasynan satyp alynǵan.
«Kókshetaý avtobýs parki» jaýapkershiligi shekteýli seriktestiginiń dırektory Ásııa Shárimovanyń aıtýynsha, bul joba qalalyq ákimdiktiń «Kókshetaý qalasynda jolaýshylar kóligin jańǵyrtý» jobasy sheńberinde qolǵa alynyp otyr.
Jalpy, atalmysh avtobýs parki tarapynan jańa úlgidegi 44 avtobýs satyp alynǵan. Búgin onyń 31-i qoldanysqa berilse, aldaǵy kúnderi qalǵan 13-i jetkizilmek. Bul joba boıynsha qoldanystaǵy tozyǵy jetken avtobýstardy aýystyrý qarastyrylǵan.
