Kókshetaýlyqtar órtengen avtobýstyń jolaýshylaryn qutqaryp qaldy
KÓKShETAÝ. QazAqparat - Kókshetaýda otqa oranǵan avtobýstyń jolaýshylaryn kóshedegi jurt qutqaryp qaldy, dep habarlaıdy QazAqparat tilshisi.
Aqmola oblysy TJD baspasóz qyzmetiniń habarlaýynsha, búgin saǵat 10:11-de Súleımenov kóshesinde «Hyundai» markaly №18 marshrýttyq avtobýs órtengen. Alǵashqy áskerı daıyndyq pániniń muǵalimi Erlan Rahat oqıǵa ornynda alǵashqylardyń biri bolyp, jolaýshylardy janyp jatqan avtobýstan evakýatsııalaýǵa kómektesti.
«№ 9 avtobýsta otyrǵanmyn. Terezeden aldymyzda kele jatqan №8 avtobýstan qoıý tútin shyqqanyn kórdim. Kenet avtobýs toqtaı qaldy. Soǵan júgirip barsam dóńgelek órtene bastapty. Qolda órt sóndiretin qural bolmaǵan soń esikke bettedim. Áýeli egde jastaǵylardy shyǵara bastadyq. Іshte shamamen 15-20 adam bar eken. Bárin de aman alyp shyqtyq» - deıdi Erlan Rahat.
«Órt saǵat 10.17-de aýyzdyqtalyp, 10.20-da tolyq óshirildi. Eshkim oqys oqıǵadan zardap shekpedi. Qazir órttiń shyǵý sebebi anyqtalyp jatyr», -delingen baspasóz qyzmeti taratqan málimette.
Avtory Oksana Matasova
