Kókshetaýlyqtar «Nurly jol» membaǵdarlamasynyń qyzyǵyn kórýde
Bul týraly óńirlik kommýnıkatsııalar qyzmetinde ótken brıfıngte Aqmola oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Vıktor Radchenko məlimet etti, dep habarlaıdy "QazAqparat" HAA tilshisi.
Basqarma basshysynyń aıtýynsha, óńirde 2015 jyldan bastap, "Nurly jol" memlekettik baǵdarlamasy boıynsha birneshe joba júzege asyrylýda. Onyń ishinde oblys ortalyǵynyń irgesindegi Krasnyı ıAr kentinde júzege asyrylǵan quny 898,1 mıllıon teńge turatyn blokty-modýldi qazandyq pen Qopa kóliniń jaǵasymen tartylǵan quny 1832 mıllıon teńge ınjenerlik jeli bar. Qazirgi kezde qos nysan paıdalanýǵa berilip, jumys isteýde.
«Nurly jol» baǵdarlamasy boıynsha qolǵa alynǵan qazandyq qazirgi zamanǵy tehnologııa boıynsha salynǵan. Tútin shyǵatyn eki murja, 3 sýmen jylytatyn, 3 sý jylytqysh qazandyq, jylý jelisi, kómir jáne dızeldi elektrostansy ornatylǵan.
«Qazandyqty iske qosý jylý berý maýsymy kezinde 23 kóppáterli turǵyn úıdi, 12 zańdy, 6 áleýmettik-mádenı nysandy jəne 8 myń abonentti jylýmen jabdyqtaýǵa múmkindik berdi», - dedi V.Radchenko.
Sonymen qatar, basqarma basshysy Qopa kóliniń jaǵasymen tartylǵan jańa jylý jelisi abonentterdiń 10 paıyzdan astamyn sapaly jylýmen qamtamasyz etýge múmkindik bergenin atap ótti.
