Kókshetaýlyqtar qoıan-qoltyq urystan álem chempıonatynda kúmis júldeger atandy
KÓKShETAÝ. QazAqparat - Kókshetaýlyq sportshylar Rýmynııada ótken qoıan-qoltyq urys boıynsha jastar arasyndaǵy álem chempıonatynda kúmis júldeger atandy, dep habarlaıdy QazAqparat tilshisi.
Aqmola oblystyq deneshynyqtyrý jáne sport basqarmasy baspasóz qyzmetiniń málimeti boıynsha Medjıdııa qalasynda uıymdastyrylǵan baıraqty dodada álemniń 10 elinen jınalǵan sportshylar baq synady. Qazaqstan quramasy sapynda bolǵan aqmolalyqtar Bektas Ysmaıylov pen Oljas Esimbekov júldeli ekinshi orynan kórindi.
Bektas Ysmaıylov 14-15 jastaǵylar arasynda 42 keli salmaqta synǵa tússe, Oljas Esimbekov 16-17 jastaǵylar arasynda 42 keli salmaq boıynsha kúsh synasty.
Jatyqtyrýshysy Darhan Qasymovtyń aıtýynsha, eki sportshy da Almaty qalasynda ótken oqý-jattyǵý jıynyna qatysqan.
«Bul bizdiń jigitterge óte jaqsy kómektesti. Sol sebepti, álem chempıonatynda joǵary kórsetkishke qol jetkizip otyrmyz», - dep atap ótti D.Qasymov.
Jerlesterimizdiń ekeýi de Kókshetaýdaǵy balalar men jasóspirimderdiń mamandandyrylǵan sport mektebinde tálim-tárbıe alýda.
Eske sala keteıik, jastar arasynda ótken qoıan-qoltyq urys boıynsha álem chempıonatynda Qazaqstan quramasy 2 «altyn», 8 «kúmis» jáne 2 «qola» medalǵa qol jetkizdi.
