Kókshetaýlyqtar eski zırat aýmaǵynan adam súıekterine uqsas qaldyqtar taýyp aldy

KÓKShETAÝ. QazAqparat – Kókshetaýlyqtar eski zırat aýmaǵynan paketke salynǵan adamnyń súıekterine uqsas qaldyqtar taýyp aldy. Olardyń shaqyrýymen oqıǵaǵa ornyna polıtseıler bardy, dep habarlaıdy QazAqparat tilshisi.

Vedomstvonyń málimetinshe, 24 sáýirde Kókshetaý qalalyq polıtsııa basqarmasyna oblys ortalyǵynyń turǵyny habarlasyp, «Barmashıno» shaǵyn aýdanyndaǵy alleıa mańynda, eski zırat aýmaǵynda paket tabylǵanyn, onda boljam boıynsha adamnyń súıekteri jáne bas súıeginiń synyqtary baryn aıtqan. Turǵyndar paketti zırat aýmaǵyn tazartý kezinde taýyp alǵan.

«Shaqyrtý ornyna jedel-tergeý toby bardy. Tekserý kezinde súıek qaldyqtary tabyldy. Sot-medıtsınalyq saraptama taǵaıyndaldy, sonyń qorytyndysy boıynsha túpkilikti protsessýaldyq sheshim qabyldanady», - dedi QazAqparat tilshisiniń saýalyna vedomstvonyń baspasóz qyzmetinen.

Aıta ketsek, budan buryn Aqmola oblysynda sýǵa batqan balyqshynyń denesi tabylǵanyn jazǵan edik.