Kókshetaýlyqtar bir apta avtobýstarda tegin júredi
KÓKShETAÝ. QazAqparat -Kókshetaý qalasynyń avtobýs parkteri «Evro-5» janarmaıymen júretin «Volgabas Sıtırıtm» jáne «KAvZ-4270» markaly avtobýstaryn qalaishilik marshrýttarda synaqtan ótkizýde, dep habarlaıdy QazAqparat tilshisi.
«Kókshetaý avtobýs parki» jaýapkershiligi shekteýli seriktestiginiń dırektory Ásııa Shárimovanyń aıtýynsha atalmysh avtobýstar qaladaǵy № 1, 3, 4, 5, 6, 8, 9, 10, 14, 16 jáne 25 baǵyttarda bir apta boıy jolaýshylarǵa qyzmet kórsetedi.
«Osy aralyqta jolaýshylar tegin tasymaldanatyn bolady. Bul joba qalalyq ákimdiktiń «Kókshetaý qalasynda jolaýshylar kóligin jańǵyrtý» jobasy sheńberinde qolǵa alynyp otyr. Atalmysh joba boıynsha qoldanystaǵy avtobýstardyń 40-50 paıyzyn, ıaǵnı, tozyǵy jetken kólikterdi aýystyrý qarastyrylǵan», - deıdi seriktestik basshysy Á.Shárimova.
Aıtalyq, jobany qolǵa almas buryn qala ákimdigi qazirgi qoldanystaǵy avtobýstardyń tutynýshylyq paıdalaný merzimi jəne ekonomıkalyq múmkindikterin saralap, qoǵamdyq tyńdaýlar ótkizgen bolatyn. Búginnen bastap Kókshetaý qalasy boıynsha «Evro-5» talabyna saı úlken jəne shaǵyn avtobýstardyń ekinshi legi jolaýshylardy tasymaldaýǵa kiristi. Jańa kólikter beınebaqylaý, kondıtsıoner, symsyz ınternet jelisi jáne jylytý júıesimen jabdyqtalǵan.
Sondaı-aq, múmkindigi shekteýli jandar úshin kótergish te bar.
Jalpy, synaq merzimi arqyly bul avtobýstardyń qalaǵa jaraıtyn-jaramaıtyny anyqtalady. Sodan keıin ǵana dıllerler men avtobýs shyǵarýshylar qalalyq ákimdiktiń sheshimimen qandaı avtobýstardyń qoldanysqa qajet ekenin anyqtaıtyn bolady.
Eske sala keteıik, ótken jyldyń sońynda «Lotos» markaly alǵashqy synaq avtobýsymen Kókshetaý qalasy ákimi Ermek Myrjyqpaev, ákimdik qyzmetkerleri, qalalyq máslıhattyń depýtattary qala kósheleriniń boıymen júrip kórgen bolatyn. Bul joly reseıdiń «Volgabas» jáne «KAvZ-4270» avtobýstarynan bólek Qytaıdyń «Golden dragon XML6105CR» markaly jolaýshylar kóligi synaqtan ótkizý qolǵa alyndy. Bul avotbýstardyń barlyǵy gazben júredi.
