Kókshetaýlyqtar 2 jyl buryn jer astyna kómilgen tasty qazyp aldy
KÓKShETAÝ. QazAqparat - Kókshetaýlyqtar osydan 2 jyl buryn jer astyna kómilgen tasty qazyp aldy. Qalanyń sımvolyna aınalǵan tasty jer astynan alyp shyǵý oqıǵasyn əleýmettik jeli qoldanýshylar qyzý talqylaýda, dep habarlaıdy QazAqparat tilshisi.
Eske sala keteıik, Kókshetaýdyń sımvolyna aınalǵan tastyń joǵalýyna qatysty oqıǵa 2015 jyldyń jazynda oryn alǵan bolatyn.
Sol kezde qalanyń ortalyq kóshelerdiń biri - Abaı atyndaǵy dańǵylda jóndeý jumystary júrgizildi. Osy kósheniń boıynda ornalasqan «Kókshetaý» qonaq úıiniń aldyndaǵy alańdy abattandyrý kezinde merdiger fırma qurylysshylary keshkurym «1824» datasy oıyp jazylǵan alyp tasty jerge kómip tastaıdy. Ústine asfalt tósep avtoturaqqa aınaldyrady. Bul tasta jazylǵan data qalanyń irgesi qalanǵan jyldy bildiredi.
Keıin onyń aıaq asty joǵalyp ketýine baılanysty turǵyndar túrli pikir bildirdi. Keıbiri qalanyń sımvolyna aınalǵan tasty sol turǵan jerine kómip tastaǵan merdiger uıym men oǵan jol bergen qala basshylyǵyn synǵa alsa, endi biri bul sheshimdi durys dep qoldady. Tipti, jergilikti joǵary oqý oryndarynyń ǵalymdary tastyń aınalasy radıatsııaǵa toly degen pikir aıtty.
Alaıda, araǵa 2 jyl salyp alyp tas jerdiń betine shyǵaryldy. Oǵan əleýmettik jelide taraǵan beıne jazba aıqyn dálel. Əzirge tastyń qaıda qoıylatyny belgisiz.
