Kókshetaýlyq jeńil atlet Qazaqstan chempıony atandy
ShYMKENT. QazAqparat - Shymkentte naıza laqtyrý, sporttyq júris jáne uzaq qashyqtyqqa tas jolmen júgirý boıynsha qysqy QR chempıonaty aıaqtaldy, dep habarlaıdy QazAqparat tilshisi.
Qyzdar arasynda sporttyq júristen Aqlmola oblysynan kelgen Krıstına Dobarınaǵa teń keletin sportshy bolmady. Ol 2003-2004 jyly týǵan sportshylar arasynda 3000 metr qashyqtyqqa júrýden eń úzdik nátıje kórsetip, el chempıony atandy.
Aqmola oblystyq dene shynyqtyrý jáne sport basqarmasynyń málimetinshe, sportshy №1 oblystyq mamandandyrylǵan balalar - jasóspirimder olımpıadalyq rezerv mektebiniń tárbıelenýshisi. Ol jeńil atletıka boıynsha jattyqtyrýshy Anatolıı Krahmalevtiń shákirti. Jattyqtyrýshysynyń sózinshe, bul Krıstınanyń osy maýsymdaǵy ekinshi jeńisi bolyp otyr. Buǵan deıin el birinshiliginde 300-den asa sportshydan oq boıy ozyp, jeńis tuǵyrynan kóringen edi.
