Kókshetaýlyq jatyp shtang kóterýden Azııa chempıony atandy
KÓKShETAÝ.QazAqparat - Kókshetaýlyq sportshy Ilıa Kırıllovskıı Fılıpın elinde ótken Azııa chempıonatynda «altyn» medalǵa qol jetkizdi, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Kesson qalasynda jatyp shtang kóterý boıynsha ótken Azııa chempıonatynda aqmolalyq ekinshi sportshy «altyn» medalǵa qol jetkizdi. Bul joly Ilıa Kırıllovskıı 66 keli salmaqqa deıingiler arasynda top jardy. Sonymen qatar, 83 kelige deıingi salmaq boıynsha Aleksandr Sýpronkov «kúmis» júldeger atandy.
Eske sala keteıik, atalmysh jarysta osyǵan deıin 105 keli salmaqqa deıingiler arasynda synǵa túsken jerlesimiz Sergeı Vaıgant 300 keli nətıjesimen jarys jeńimpazy atanǵan edi. Sonymen qatar, ol absalıýtti esep boıynsha qola medal ıegeri atandy.
Aqmolalyqtardyń jattyqtyrýshysy, əlem chempıony, úsh dúrkin Azııa chempıony Kırıll Pavlenkonyń sózine qaraǵanda baıraqty dodaǵa Aqmola oblysynan 5 sportshy qatysqan. Onyń ishinde úsh sportshy Sergeı Vaıgant, Ilıa Kırıllovskıı jáne Aleksandr Sýpronkov jeńis tuǵyrynan kórindi.
