Kókshetaýlyq veloshabandoz el chempıonatynda eki altyn jeńip aldy
KÓKShETAÝ. QazAqparat - Kókshetaýlyq veloshabandoz Andreı Chýgaı el chempıonatynda eki altyn jáne bir kúmis medal ıelendi, dep habarlaıdy QazAqparat tilshisi.
«Nur-Sultan qalasynda trektegi velosporttan Qazaqstannyń ulttyq chempıonaty ótti. 1 shaqyrymǵa jáne sprınttegi jarysta №7 oblystyq mamandandyrylǵan balalar men jasóspirimderdiń olımpıadalyq rezerv mektebiniń tárbılenýshisi Andreı Chýgaı qarsylastarynan oq boıy ozyp shyqty. Komandalyq sprıntte ol kúmis júldeger atandy», - deıdi oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Vedomstvodan atap ótkendeı, velosporttan Aqmola oblysynyń bas jattyqtyrýshysy Ivan Grınberg aqmolalyq sportshylardyń velosporttaǵy jeńisi úlken tabys dep otyr.
Andreı osydan eki jyl buryn Shveıtsarııada ótken álem chempıonatynda qola júldeger atanǵan bolatyn.
