Kókshetaýlyq trıatlonshy Chehııada qola júldege ıe boldy
KÓKShETAÝ. QazAqparat - Kókshetaýlyq trıatlonshy Chehııanyń ashyq chempıonatynda qola júldege ıe boldy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Chehııanyń Karlovy Vara qalasynda osy eldiń ashyq birinshiligi ótti. Baıraqty dodada Qazaqstan quramasy sapynda Aqmola oblysynan 9 trıatlonshy boldy. Sportshylar 700 metrge sýda júzý, 5 shaqyrymǵa júgirý jəne 20 shaqyrymdy velosıpedpen júrip ótýi tıis bolatyn. Sonyń ishinde 155 trıatlonshynyń arasynda jerlesimiz Aıan Beısenbaev eki sportshyny alǵa jiberip, júldeli úshinshi orynnan kórindi.
"Jerlesimiz tamasha kórsetkishke qol jetkizdi. Aıan óte eńbekqor. Ýaqytynyń kóbin jattyǵýǵa jumsaıdy. Aldaǵy ýaqytta sheberligin odan saıyn shyńdap, jarystarda tek jeńis tuǵyrynan kórinýge tyrysatyn bolady", -dedi jattyqtyrýshysy ıÝrıı Solovev.
