Kókshetaýlyq taekvondashylar el birinshiliginde júldeger atandy
KÓKShETAÝ. QazAqparat - Kókshetaýlyq taekvondashylar el birinshiliginde 3 kúmis, 1 qola medalǵa ıe boldy, dep habarlaıdy QazAqparat tilshisi.
Aqmola oblystyq dene shynyqtyrý jəne sport basqarmasy baspasóz qyzmetiniń málimeti boıynsha Qostanaı qalasynda balalar men jasóspirimder arasynda taekvondadan Qazaqstan chempıonaty ótti. Oǵan elimizdiń ər óńirinen kelgen 700 jýyq jas sportshylar qatysty.
Onyń ishinde Aqmola oblysynan barǵan 15 taekvondashy jaqsy óner kórsetti. 8-9 jastaǵylar arasynda 30 keli salmaqta Danııar Bazarbaev, 55 keli salmaqta Aıǵanym Kýanyshbekova ekinshi oryn alsa, 10-11 jastaǵylar arasynda 30 keli salmaqta Madııar Kenjebaı úzdik úshtikten kórindi. Bul taekvondashylardyń úsheýin de balalar men jasóspirimderdiń sport mektebinde Ǵalymjan Myrzageldın jattyqtyrady.
Al 6-7 jastaǵylar arasyndaǵy eń kishkentaı qatysýshy Alýa Ədilbek 22 keli salmaq boıynsha kúmis júldeger atandy. Taekvondadan Aqmola oblysynyń aǵa jattyqtyrýshysy Erjan Ormanovtyń aıtýynsha, 6 jasar Alýanyń osy sport túrimen aınalysa bastaǵanyna 1 jyl da tolǵan joq eken.
