Kókshetaýlyq polıtseı epılepsııamen aýyratyn jigittiń ómirin qutqaryp qaldy
KÓKShETAÝ. QazAqparat - Kókshetaýda polıtseı epılepsııasy ustaǵan 27 jastaǵy qala turǵynynyń ómirin aman alyp qaldy, dep habarlaıdy QazAqparat tilshisi.
«9 mamyr kúni 21:10-da jol-patrýl polıtsııasy batalonynyń polıtseıi, kishi serjant Azamat Bekturov pen Ulttyq gvardııa áskerı qyzmetshileri patrýl kezinde Kókshetaý qalasyndaǵy Táshenov - Abaı kósheleriniń qıylysynda adamdardyń jınalǵanyn jáne jerde jatqan adamdy baıqaıdy. Qala turǵyndarynyń aıtýynsha, er adamnyń epılepsııasy ustap qalǵan. Azamat jaǵdaıdy birden baǵalap, zardap shegýshige alǵashqy medıtsınalyq kómek kórsetedi. Osy kezde jedel járdem shaqyryldy», - dedi Aqmola oblystyq polıtsııa departamentiniń baspasóz qyzmetinen.
«Epılepsııa belgileri ár bes mınýt saıyn jalǵasqan jáne órshı túsken. Bir kezde er adam tynys almaı qaldy», - dedi Azamat.
Polıtseı abdyrap qalmaı, alǵashqy kómek kórsetýdi jalǵastyra bergen jáne osynyń arqasynda naýqas jigit tiri qalǵan.
«Jedel járdem kelgenge deıin polıtsııa jasaǵy zardap shegýshiniń qasynda bolyp, keıin er adamdy mamandardyń qolyna tapsyrǵan», - dedi óńirdiń polıtsııa departamentiniń baspasóz qyzmetinen.
Avtor: Oksana Matasova
