Kókshetaýlyq polıtseı epılepsııa talmasyna ushyraǵan qyzdy qutqaryp qaldy
KÓKShETAÝ. QazAqparat - Kókshetaýda polıtsııa qyzmetkeri epılepsııa talmasyna ushyraǵan qyzdy qutqaryp qaldy. Bul týraly oblys ortalyǵynyń turǵyny, ıaǵnı, atalǵan oqıǵanyń kýágeri óz hatynda jazdy, dep habarlaıdy "QazAqparat" HAA tilshisi ІІD baspasóz qyzmetine silteme jasap.
Denıs Klımenkonyń hatynda kórsetilgendeı aǵymdaǵy jyldyń 27 naýryzynda Qaırat Bazarbaev tús kezinde Kókshetaý qalasyndaǵy ashanalardyń birinde epılepsıs talmasyna ushyraǵan qyzdy qutqaryp qaldy. Polıtseı qyzǵa alǵashqy medıtsınalyq kómek kórsetip, esin jıǵyzdy. Kəýgerlerdiń aıtýynsha, Qaırattyń shıraq qımyly bolmaǵanda qyzdyń jaǵdaıy aýyr bolar ma edi...
Hat avtory óz sózinde qyzmetine laıyqty tərtip saqshysynyń tərbıelenip jatqanyna alǵysyn bildirdi.
"Qaırat Bazarbaev sııaqty polıtsııa qyzmetkerin tərbıelegeni úshin alǵys bildiremin. Qıyn kezde abyrjymaı durys sheshim qabyldap, adam ómirine arasha túsetin osyndaı polıtsııa qyzmetkeriniń Qazaqstanda bolýy meni shynymen qýantady", delingen hatta.
Qaırat Bazarbaevtyń tótenshe jaǵdaıǵa ushyraǵan jandarǵa kómektesýde tájirıbesi mol. 2014 jyly Kókshetaý tehnıkalyq ınstıtýtyn úzdik bitirgen. Keıin 2 jyl qatarynan Aqmola oblystyq TJD qyzmet istedi. 2016 jyldyń sáýirinen bastap, ІІD shuǵyl əreket etý jasaǵynyń ınspektory qyzmetinde. Bokstan sport sheberligine kandıdat.
"Azamattardyń túrli keleńsiz jaǵdaılarǵa tap bolyp, abyrjyp qalatyn kezderi bolady. Sol sekýndtarda bizdiń mindetimiz olardy sabyrǵa shaqyryp, jaǵdaıdan shyǵýdyń tıimdi joldaryn qarastyrý»,-deıdi Qaırat Bazarbaev.
