Kókshetaýlyq paýerlıfterler Azııa chempıony atandy
KÓKShETAÝ. QazAqparat- Kókshetaýlyq qos paýerlıfter Alena Solopova men Sergeı Vaıgant Birikken Arab Əmirlikterinde ótken Azııa chempıonatynda birinshi oryn aldy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshınanyń məlimeti boıynsha BAƏ Dýbaı qalasynda paýerlıftıngten Azııa chempıonaty ótti.
Baıraqty jarysqa Azııa qurlyǵynyń 20 elinen sportshylar qatysty. Jarys halyqaralyq paýerlıftıng federatsııasynyń (IPF) erejesi boıynsha ótti.
Qazaqstan quramasy sapynda bolǵan aqmolalyq sportshylar, 52 keli salmaqta jastar arasynda synǵa túsken Alena Solopova klassıkalyq ádis boıynsha, 105 keli salmaqta erler arasynda kúsh synasqan Sergeı Vaıgant jatyp kóterý ádisi boıynsha chempıon atandy. Sonymen qatar, Dıas Shákirhan (53 kg) kúmis, Anastasııa Kolesnıkova (52 kg) men Arlan Erkinuly (59 kg) qola júldeger atandy.
Jerlesterimiz Aqmola oblystyq joǵary sporttyq sheberlik mektebinde jáne Kókshetaýdaǵy «Býrabaı» balalar men jasóspirimderdiń sport mektebinde bapkerleri Asyljan Álmerdenov, Evgenıı Evdokımov, ıÝrıı Kolesnıkov jáne Kırıll Pavlenkonyń jetekshiligimen jattyǵady.
Paýerlıftıngten Aqmola oblysynyń aǵa jattyqtyrýshysy Andreıa Shalıapın sportshylar jeńisin joǵary baǵalap otyr.
«Shákirtterimniń jetistigine kóńilim tolyp otyr. Qarsylastar myqty, bir-birine laıyq boldy. Jarys tartysty ótti. Biz jeńdik», - dep qýanyshymen bólisti A.Shalıapın.
Aıta keteıik, áli alda jarystyń úsh kúni bar. Aqmolalyq paýerlıfterlerdiń qorjyndaǵy medaldar sanyn eseleı túsýge múmkindigi bar.
