Kókshetaýlyq paýerlıfter álem birinshiliginde júldeger atandy
KÓKShETAÝ. QazAqparat - Kókshetaýlyq paýerlıfter álem chempıonatynda kúmis júldeger atandy, dep habarlaıdy QazAqparat tilshisi.
Oblystyq deneshynyqtyrý jáne sport basqarmasy baspasóz qyzmetiniń málimeti boıynsha, AQSh-tyń Florıda shtatynyń Orlando qalasynda jasóspirimder arasynda paýerlıftıngten álem chempıonaty ótti. Oǵan álemniń 40 elinen kelgen jas sportshylar qatysty. Onyń ishinde kókshetaýlyq Ispandııar Qaıyrjan AQSh sportshysyna ese jiberip, 66 keli salmaq boıynsha júldeli ekinshi oryndy ıelendi.
Jattyqtyrýshysy Asyljan Almerdenovtiń aıtýynsha, halyqaralyq dárejedegi sport sheberi Ispandııar Sh.Ýálıhanov atyndaǵy Kókshetaý memlekettik ýnıversıtetiniń úshinshi kýrsynda oqıdy.
«Paýerlıftıngpen bar-joǵy 3 jyl ǵana aınalysýda. Osy azǵana ýaqyttyń ishinde joǵary kórsetkishke qol jetkizip otyr», - dedi jatyqtyrýshysy Asyljan Tasbolatuly.
Eske sala keteıik, Ispandııar Qaıyrjan Kókshetaýdaǵy balalar men jasóspirimderdiń sport mektebinde jattyǵady.
