Kókshetaýlyq palýan respýblıkalyq týrnırde top jardy
KÓKShETAÝ. QazAqparat - Kókshetaýlyq palýan respýblıkalyq týrnırdiń jeńimpazy atandy, dep habarlaıdy QazAqparat tilshisi.
Aqmola oblystyq Dene shynyqtyrý jáne sport basqarmasynyń baspasóz qyzmetinen málim etkendeı, Jezqazǵan qalasynda qazaq kúresinen respýblıkalyq týrnır ótti. Jarysqa Qazaqstan, Ózbekstan jáne Tájikstan Respýblıkalarynan barlyǵy 350 jas palýan qatysty.
Onyń ishinde kókshetaýlyq palýan, Balýan Sholaq atyndaǵy ulttyq sport túrinen oblystyq mekteptiń tárbıelenýshisi Elıýan Ospanov 90 keliden joǵary salmaqtaǵylar arasynda birinshi oryndy jeńip aldy. Elıýan tálimgeri Jasulan Músipovtiń jetekshiligimen jattyǵady.
«Barlyǵy sııaqty mende jeńiske jetkim keldi. Jattyqtyrýshymnyń arqasynda baǵymmen birge, babym qatar shapty. Qarsylastarymnyń barlyǵy myqty palýandar. Degenmen, tyńǵylyqty jattyǵýdyń arqasynda jeńis tuǵyrynan kórindim», - deıdi Elıýan Ospanov.
