Kókshetaýlyq palýan el chempıony atandy
KÓKShETAÝ. QazAqparat - Kókshetaýlyq palýan Dıas Saǵdatov el chempıonatynda altyn medalǵa qol jetkizdi, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Jezqazǵan qalasynda 2002-2004 jylǵy uldar jáne qyzdardyń arasynda erkin kúresten Qazaqstan birinshiligi ótti.
«Ulytaý» sport saraıynda uıymdastyrylǵan beldesýde kókshetaýlyq palýandar úzdik úshtikten kórindi. Onyń ishinde Oljas Áshimov jattyqtyratyn №1 oblystyq mamandandyrylǵan balalar men jasóspirimderdiń olımpıadalyq rezerv mektebiniń shákirtteri tabysty óner kórsetti.
58 keli salmaq boıynsha beldesken Dıas Saǵdatov birinshi oryn alsa, 63 keli salmaqtaǵylar arasynda Jasulan Beksultanov ekinshi orynnan kórindi.
Sonymen qatar, qyzdar arasynda 48 jáne 34 salmaqta boz kilemge shyqqan Gaýhar Amantaı men Irına Ogneva ekinshi jáne úshinshi oryndardy mise tutty.
