Kókshetaýlyq palýan álem chempıonatynda qola júldeger atandy
KÓKShETAÝ. QazAqparat - Kókshetaýlyq palýan Muhtar Ýsın Bolgarııada ótip jatqan kúresten álem chempıonatynda qola júldeger atandy, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynyń baspasóz qyzmeti bergen málimetterge qaraǵanda Bolgarııanyń Plovdıv qalasynda ardagerler arasynda ótken baıraqty dodaǵa Qazaqstan ulttyq quramasy sapynda bolǵan Aqmola oblysynan tórt palýan qatysty.
Onyń ishinde kókshetaýlyq Muhtar Ýsın 70 keli salmaqta grek-rım kúresi boıynsha boz kilemge shyqty. Alǵashqy beldesýde jerlesimiz 4-1 upaımen ırandyqtan basym tústi. Al, jartylaı fınalda álemniń 5 dúrkin chempıony frantsýzdyq Georgıı Hrıstovqa ese jiberip aldy. Qola medal úshin kúreste alań ıesinen 1-0 upaıy aıyrmasymen aılasyn asyra bildi. Osylaısha, tartysty beldesýde Muhtar Ýsın úshinshi orynnan kórindi.
«Meniń alań ıesin 1 ǵana upaı sanymen jeńdim. Bul men úshin sońǵy úsh chempıonattaǵy eń aýyr beldesý boldy», - dedi M.Ýsın.
Muhtar Ýsın Kókshetaýdaǵy №1 oblystyq mamandandyrylǵan balalar men jasóspirimderdiń sport mektebiniń dırektory.
