Kókshetaýlyq ónerpazdar Eýropa elderinde óner kórsetpek
ASTANA. QazAqparat - 2018 jyly «Kókshetaý» Mádenıet úıiniń ujymy ıÝNESKO-nyń shaqyrýy boıynsha Italııa, Avstrııa, Marokko, Túrkııa elderinde óner kórsetedi. Bul týraly búgin OKQ-da ótken baspasóz máslıhatynda Aqmola oblysynyń ákimi Málik Myrzalın aıtty, dep habarlaıdy QazAqparat tilshisi.
«Jańa dáýirdegi básekege qabilettilik jáne mádenıettiń qabilettiligi. «Zamanaýı Qazaqstan mádenıeti» jobasy aıasynda osy jyldyń naýryz aıynda «Kókshetaý» ulttyq bı ansambli Saýd Arabııasynda halyqaralyq festıvalge qatysyp kelse, «Gákký» bı ansambli Birikken Arab Ámirliginde ótken halyqaralyq festıvalge qatysty. Gran-prı ataǵyn alǵan «Polıanka» bı ansambli bıyl Fınlıandııa jáne Shvetsııa elderine gastroldik saparǵa attanady», - dedi óńir ákimi.
Onyń aıtýynsha, «Kókshetaý» halyqtyq bı ansambli Indonezııada ótetin álemdik mádenıet forýmyna qatysady.
«2018 jyly «Kókshetaý» Mádenıet úıiniń ujymy ıÝNESKO-nyń shaqyrýy boıynsha Italııa, Avstrııa, Marokko, Túrkııa elderine sapar shegedi. Biz sonymen qatar, óz jerlesterimizdiń ádebı shyǵarmalaryn álemdik mádenı keńistikke shyǵarýǵa tyrysamyz. Mysaly, belgili jazýshy, dramatýrg Sáken Júnisovtiń shyǵarmalaryn aǵylshyn tiline aýdarý jumysy bastaldy», - dep atap ótti Málik Myrzalın.
