Kókshetaýlyq oqýshysy Sochıde halyqaralyq baıqaýdyń jeńimpazy atandy
KÓKShETAÝ. QazAqparat - Aqmola oblysynyń Kókshetaý qalasy Krasnoıar kentindegi №3 mektep gımnazııasynyń 7 synyp oqýshysy Jandos Janat Sochıde ótken «Narodnye Istokı» ulttyq mádenı jáne falklor festıval baıqaýynda jeńipaz atandy, dep habarlaıdy «QazAqparat» HAA tilshisi oblystyq bilim basqarmasynyń baspasóz qzymetine silteme jasap.
Festıvalge Reseıdiń ári óńiri men alys jáne jaqyn shet elderden barǵan balalar, jastar, eresekter, kásibı jáne áýesqoı ujymdar qatysty. Sondaı-aq, horegrafııa, vokal, folklor, teatr jáne hor janrlary boıynsha jekeleı synǵa túskender de boldy.
Onyń ishinde Kókshetaý qalasy Krasnoıar kentindegi №3 mektep gımnazııasynyń 7 synyp oqýshysy Jandos Janat 1 dárejedegi laýreat atanyp, «Oryndaý sheberliginiń joǵary mádenıeti úshin» arnaıy dıplomymen marapattaldy.
Eske sala keteıik, «Narodnye Istokı» ulttyq mádenı jáne folklor festıvali baıqaýy bıyl besinshi ret uıymdastyrylyp otyr. Oǵan Reseıdiń otyzǵa jýyq óńiri, Latvııa, Ózbekstan, Abhazııa jáne Qazaqstannan barǵan myńnan astam adam qatysty.
