Kókshetaýlyq qylmysker eki aı boıy Petropavlda jasyrynyp júrgen
PETROPAVL. QazAqparat - Petropavl qalasy krımınaldyq polıtsııa bóliminiń qyzmetkerleri kókshetaýlyq áriptesterine qylmyskerdi tabýǵa kómektesti, dep habarlaıdy QazAqparat tilshisi.
Polıtsııa departamentiniń málimetinshe, Kókshetaý qalasynyń 25 jastaǵy turǵyny birneshe ret urlyq jasady degen kúdikke ilinip ustalǵan. Ol sot sheshimin kútpesten, eshqaıda ketpeý týraly qolhatyn buzyp, izin jasyrdy. Ótken jyldyń jeltoqsan aıynyń basynda oǵan izdeý jarııalandy.
«Іzdeýde bolǵan adamnyń Petropavlǵa ketkeni týraly boljam birden jasalǵan. Qyzmetkerlerimiz onyń izine shyǵý úshin eki aı boıy jumys júrgizdi. Kúdikti azamat jumysqa ornalasýǵa tyryspaǵan, qujatyn usyný talabyn qoıatyn kez kelgen jaǵdaıdan aýlaq júrdi», - dep baıandady krımınaldyq polıtsııa bóliminiń bastyǵy Rýslan Syzdyqov.
Qazirgi kezde qashqyn ustalyp, ýaqytsha ustaý oqshaýlaǵyshyna qamaldy. Qańtar aıynda soltústikqazaqstandyq polıtseıler 6 qylmyskerdi izdeý jumystaryn júrgizgen, sonyń ishinde úsheýi - burynnan izdeýde bolǵandar. Qazirgi kezde olardyń barlyǵy ustaldy.
Jyl basynan beri alty adam iz-túzsiz joǵalǵan. Olardyń beseýi tabyldy.
Avtor: Olesıa Jýkoven
