Kókshetaýlyq Kúmis Bazarbaeva «Azıada arýy» atandy
ALMATY. 2 aqpan. QazAqparat /Názıra Eleýhan/ -Almatyda «Azıada arýy» sulýlyq baıqaýynyń aqtyq syny ótti. Baıqaýǵa irikteýden ótken 20 qyz qatysty.
Baıqaý nátıjesi boıynsha, Qazaqstanda tuńǵysh ret ótkizilgen «Azıada arýy» baıqaýynyń jeńimpazy bolyp Kurmanǵazy atyndaǵy Ulttyq ýnıversıtetiniń 5-kýrs stýdenti Kúmis Bazarbaeva tanyldy.
Bolashaq opera ánshisi Azıada táji men bas demeýshi «Chopard» fırmasynyń brıllıant tastary bar altyn saǵattyń ıesi bolyp tanyldy.
Al baıqaýdyń 1-arýy ataǵyn taldyqorǵandyq Aıgerim Dospolova jeńip aldy. Azıadanyń 2-arýy bolyp oraldyq Saıda Ádilova atandy. Ádilqazylardyń sheshimi boıynsha 3-arý ataǵy pavlodarlyq Roza Ahmedıevaǵa berildi. Arý atanǵan barlyq jeńimpazdarǵa bas demeýshi atynan syılyqtar tabystaldy.
20 úmitkerdi elimizdiń sport, shoý-bıznes jáne sán áleminiń tanymal tulǵalary tańdap, qazylyq jasady. Shara barysynda qazaqstandyq estrada juldyzdary óner kórsetti. Sonymen qatar dızaıner Kenje Devıatko óz kıim sán úlgilerin jurtshylyq nazaryna usyndy.
Ádilqazylar alqasynyń múshesi Nurlan Abdýllınniń aıtýynsha, barlyq fınalıster jeńimpaz atanýǵa laıyq. «Degenmen, baıqaý bolǵandyqtan eń sulý arýdy anyqtaýymyz qajet boldy. Bas jeńimpaz basqa qyzdarǵa qaraǵanda erekshelendi, sondyqtan ony tańdadyq»,-dedi ol.
