Kókshetaýlyq kásiporyn 700-ge jýyq ókpe jeldetkishin ázirleýge daıyn

NUR-SULTAN. QazAqparat - Kókshetaýlyq kásiporyn 700-ge jýyq ókpeni jasandy jeldetý apparatyn ázirleýge daıyn, dep habarlaıdy QazAqparat.

Bul týraly QR Indýstrııa jáne ınfraqurylymdyq damý mınıstri mindetin atqarýshy Qaıyrbek Óskenbaev aıtyp berdi.

«Kókshetaý qalasynda bizdiń mınıstrlikke qarasty «TYNYS» AQ kásiporny bar. Densaýlyq saqtaý mınıstrliginiń málimdemesi boıynsha, bul kásiporyn 700-ge jýyq ókpeni jasandy jeldetý apparatyn jasaýǵa nıetti. Qajet bolsa, osy jumysty kúsheıtýge daıynbyz», - dedi Q. Óskenbaev Ortalyq kommýnıkatsııalar qyzmetinde ótken brıfıngte.

Buǵan deıin vedomstvo ókili Qazaqstanda kún saıyn 1 mln maska, 85 myń lıtr dezınfektsııalyq qural shyǵarylatynyn habarlaǵan edi.