Kókshetaýlyq kásipker koronavırýspen kúresip jatqan dárigerlerge gúl syılady
KÓKShETAÝ. QazAqparat - Kókshetaýlyq kásipker koronavırýspen kúresip jatqan dárigerlerge gúl syılady, dep habarlaıdy QazAqparat tilshisi oblystyq densaýlyq saqtaý basqarmasynyń baspasóz qyzmetine silteme jasap.
«Osyndaı qıyn shaqta bizdiń, eldiń amandyǵy úshin tún uıqysyn tórt bólip, otbasynan jyraqta júrip, demalyssyz, janqııarlyqpen kúresip júrgen jandarǵa shynaıy alǵysymdy bildiremin. Dárigerler qandaı syılyqqa bolsyn laıyq», - deıdi kásipker.
Búginde Aqmola oblystyq týberkýlezge qarsy kúres dıspanseri juqpaly aýrýlar bólimshesinde 26 adam eńbek etedi, onyń 22-i áıel. Osynda emdelip jatqandardyń 8-i názik jandar. Olarǵa da gúl berildi.
