Kókshetaýlyq qarııanyń atyna nesıe rásimdegen SQO turǵyny ustaldy
KÓKShETAÝ. QazAqparat - Kókshetaýda páter jaldap turǵan SQO turǵyny páteri ıesi - 67 jastaǵy zeınetkerdiń atyna nesıe rásimdegen, dep habarlaıdy QazAqparat tilshisi.
Aqmola oblystyq polıtsııa departamenti baspasóz qyzmetiniń málimetinshe, 3 aqpanda Kókshetaý qalasynyń polıtsııa basqarmasyna oblys ortalyǵynyń 67 jastaǵy turǵynynan aryz túsken. Zeınetker «Frenlı Faınens Qazaqstan» mıkronesıelik uıymynda 25 myń teńge nesıe rásimdegenin aıtty.
«Jedel-izdestirý is-sharasy barysynda 37 jastaǵy, buryn alaıaqtyq úshin sottalǵan Soltústik Qazaqstan oblysy Novoıshım aýylynyń turǵyny anyqtaldy. Kúdikti bul áreketin moıyndady. Belgili bolǵandaı, buǵan deıin alaıaq zeınetkerdiń páterin jaldap turǵan, páter ıesiniń ańqaýlyǵyn paıdalanyp telefon arqyly nesıe rásimdegen», - dedi vedomstvodan.
Qazirgi kezde, osyǵan baılanysty Qylmystyq kodekstiń 190 baby «alaıaqtyq» boıynsha is qozǵalyp, sotqa deıingi tergeý amaldary júrgizilýde.
