Kókshetaýlyq qarııa velosporttan halyqaralyq týrnırde júldeger atandy
KÓKShETAÝ. QazAqparat - Kókshetaýlyq 66 jastaǵy qarııa Anatolıı Gonago velosporttan «TrackMan Saryarka» halyqaralyq týrnırinde qola júldege ıe boldy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń málimeti boıynsha, Astanadaǵy olımpıadalyq daıyndyq ortalyǵynda velosporttan «TrackMan Saryarka» halyqaralyq týrnıri ótti.
Jarysqa Qazaqstan, Reseı jáne Germanııa elderinen kelgen áýesqoılar men ardager sportshylar qatysty. Saıys qýalaý boıynsha jekeleı jarys (12 aınalym), erler arasynda sprınt (500 metr), erler (1000 metr) jáne áıelder (500 metr) arasynda Gıt jarysy boıynsha ótti.
«Jarys qorytyndysy boıynsha Kókshetaýlyq 66 jastaǵy Anatolıı Gonago 60-69 jastaǵy ardagerler arasynda Gıt jarysy boıynsha júldeli úshinshi oryn aldy. Ol márege jarys jeńimpazynan 9 sekýnd qana keshigip keldi», deıdi vedomstvonyń baspasóz hatshysy Mahabbat Bolshına.
Anatolıı Vıktorovıchtiń sózinshe, ol sońǵy ret jarys jolyna 1979 jyly shyqqan eken.
