Kókshetaýlyq karateshiler respýblıkalyq týrnırde 3 altynǵa qol jetkizdi
KÓKShETAÝ. QazAqparat - Kókshetaýlyq karateshiler Temirtaý qalasynda ótken shınkıokýshınkaıdan respýblıkalyq týrnırde 8 medalǵa qol jetkizdi. Onyń úsheýi altyn, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasynyń málimeti boıynsha jarysqa Astana, Almaty, Taldyqorǵan, Semeı, Qaraǵandy, Pavlodar, Temirtaý, Kókshetaý qalarynan barǵan 250 astam sportshy qatysty.
Tartysty ótken týrnırde Aqmola oblysynyń namysyn qorǵaǵan oblystyq «Shınkıokýshınkaı karate federatsııasy» óńirlik qoǵamdyq uıymnyń «SARDAR» klýbynyń jattyqtyrýshylary Almas jáne Aıazbı Alshynbaevtardyń shákirtteri Ansar Jetpisbaı, Ernur Syrymbet jáne Kırıll Krapıvko birinshi, Andreı Zabornık jáne Stanıslav Kaýfman ekinshi, Asanáli Álibekov, Eldar Bektimirov jáne Danııar Kishkenov úshinshi orynnan kórindi.
