Kókshetaýlyq karateshi halyqaralyq týrnırde jeńimpaz atandy
KÓKShETAÝ. QazAqparat - Kókshetaýlyq karateshi qyz Narqyz Uzaqbaeva Japonııada ótken halyqaralyq týrnırde jeńimpaz atandy, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń deregi boıynsha Todo qalasynda ótken baıraqty jarysqa álemniń 15 elinen kelgen 1 500 sportshy qatysyp baq synady. Ony ishinde ulttyq qurama sapynda bolǵan aqmolalyqtar Narqyz Uzaqbaeva men Álemgúl Sabyrhan 55 jáne 55 joǵary salmaq boıynsha synǵa tústi.
«Aqtyq kezdesýde Ispanııa sportshysynan aılasyn asyra bilgen Narqyz týrnır chempıony atandy. Al Álemgúl Sabyrhan tatamı ıesi japondyq qyzǵa ese jiberip aldy. Kezdesýdiń negizgi jáne qosymsha mınýttarynda teń túsken qarsylastardy tóreshiler salmaq aıyrmashylyǵyn eskerip jeńisti japon qyzyna berdi. Osylaısha Álemgúl kúmis medalǵa ıe boldy», dep málim etti baspasóz qyzmetindegiler.
