Kókshetaýlyq kəsipker polıtsııa tárkilegen 56 tonna zyǵyryn qaıtara almaı júr
KÓKShETAÝ. QazAqparat - Kókshetaýlyq kəsipker polıtsııa tárkilegen 56 tonna zyǵyryn qaıtara almaı júr. Bul týraly óńirlik kásipkerler palatasynda ótken kásipkerlerdiń quqyǵyn qorǵaý jónindegi keńeste aıtyldy, dep habarlaıdy "QazAqparat" HAA tilshisi óńirlik kəsipkerler palatasynyń baspasóz qyzmetine silteme jasap.
Keńeste aıtylǵandaı aǵymdaǵy jyldyń 5-shi mamyrynda jergilikti "Jaına Treıd" JShS-nen óńirlik kəsipkerler palatasyna aryz túsken. Onda Kókshetaý qalalyq ІІB qyzmetkerleri atalǵan seriktestiktiń 56 tonna zyǵyryn zańsyz tárkilegeni aıtylady.
Palata ókilderiniń sózine qaraǵanda, maıly daqyldaryna jatatyn zyǵyr tuqymy Kókshetaýdaǵy "Bereke 2006" JShS aýmaǵynda saqtaýda bolǵan. Oǵan 04.09.2015 jylǵy atalǵan seriktestiktiń qoımasyn jalǵa alý kelisimsharty negiz bolyp otyr.
"Tərkileý sharalary "Agrımer Astyq" JShS-niń múlkin urlaý týraly túsken aryz boıynsha qozǵalǵan qylmystyq is sheńberinde júrgizildi. Polıtseıler atalǵan zyǵyrdyń "Jaına Treıd" JShS-ne tıesili ekenin bile tura, "Agrımer Astyq" JShS-niń aýmaǵyna tasymaldatty", dedi óńirlik kəsipkerler palatasy dırektorynyń orynbasary V.Geraşenko.
Aıta ketý kerek, atalǵan seriktestik bul qylmystyq isten beıhabar jəne kompanııa ókilderi bul týraly múldem eskertilmegen. Bul óz kezeginde menshik ıesiniń quqyn buzyp otyr.
Qazirgi kezde, bul zyǵyrdyń "Jaına Treıd" JShS-ne tıesili ekenin aıǵaqtaıtyn qujattary men aryz Kókshetaý qalalyq ІІB tarapynan qaralyp, tekserilgen joq jəne tıisti jaýap ta berilmedi.
Osylaısha, quqyq qorǵaý organdarynyń qyzmetkerleri əli kúnge deıin "Jaına Treıd" JShS-niń saýda-sattyq kelisimshart boıynsha "Hımık" JShS-nen satyp alǵan zyǵyryn zattaı aıǵaq retinde ustap otyrǵan kórinedi.
Bul týraly kompanııa prokýratýradan kómek suraǵan bolatyn. Alaıda, osydan beri 4 aı ótse de, tergeýshiler ózderine joldanǵan saýaldy qarap, tıisti jaýap berý týraly prokýratýranyń jazbasha tapsyrmasyna da qulaq aspaı otyr.
