Kókshetaýlyq fýtbolshylar Stara-Zagora qalasyndaǵy qurdastaryn 4:0 esebimen oısyrata utty
ALMATY. 24 aqpan. QazAqparat - Túrkııadaǵy sońǵy oqý-jattyǵý jıynynyń aıasynda keshe «Oqjetpes» fýtbol komandasy Stara-Zagora qalasynyń «Beroe» komandasymen joldastyq kezdesý ótkizdi.
Byltyr Birinshi lıgada 2-oryn alǵan kókshetaýlyqtar Bolgarııa chempıonatynda 2010/11 jyly «A» tobynda 7-oryn alǵan qarsylastaryn 4:0 esebimen oısyrata jeńdi. 2010 jyly Bolgarııa kýbogyn ıelengen «Beroe» bıyl Premer-lıgaǵa qaıta oralǵaly otyrǵan «Oqjetpestiń» qaqpasynan sańylaý taba almaı, pushaıman boldy. Bul oıynda kókshetaýlyqtar sapynan grýzııalyq legıoner Davıd Chagelıshvılı eki ret, al Tımýr Dosmaǵambetov pen Abylaıhan Mahambetov bir-bir ret kózge tústi.
Olar kelesi joldastyq kezdesýin erteń «Mınsk» fýtbol komandasymen ótkizbek. Belarýs astanasynyń aıaqdopshylary ótken maýsymda Joǵary lıgada 9-oryn alǵan bolatyn. 2010 jyly Joǵary lıgada qola júldeger atanǵan bul komanda 2006 jáne 2008 jyldary Birinshi lıgada top jarǵan.
