Kókshetaýlyq fýtbolshylar Ózbekstan komandalarymen sparrıngtik kezdesýlerdi jeńispen aıaqtaýda
ALMATY. 22 qańtar. QazAqparat - Tashkentte ekinshi oqý-jattyǵý jıynyn ótkizip jatqan «Oqjetpes» komandasy Ózbekstannyń «Qylqum» komandasyn 2:1, al «Buhara» komandasyn 3:0 esebimen utty.
Vladımır Chebýrın jattyqtyratyn kókshetaýlyq aıaqdopshylar buǵan deıin «Pahtokordyń» qosalqy quramyn 4:0, 2:1 esebimen jeńgen bolatyn. Kókshetaýlyqtardyń 8 qańtarda bastalǵan jıyny 25 qańtarǵa deıin sozylmaq.
Jańa maýsymda Birinshi lıgada óner kórsetetin «Oqjetpes» el chempıonatynyń birinshi týryn 31 naýryzda syrt alańda Qarataýdyń «Lashyn» komandasymen ótkizbek. Ekinshi týrdy da syrt alańda, 3 sáýir kúni Shymkentte «Bıik» komandasymen ótkizedi.
