Kókshetaýlyq «El Jastar Teatry» halyqaralyq festıvaldiń júldegeri atandy
KÓKShETAÝ. QazAqparat - Abaı Qunanbaıulynyń 175 jyldyq mereıtoıyna arnalǵan «Jas-Art 2020» halyqaralyq 3-shi teatr festıvalinde Aqan Seri atyndaǵy Kókshetaý joǵary mádenıet kolledjiniń «El Jastar Teatry» jastar teatry «Spektal» atalymy boıynsha júldeli ekinshi oryn aldy, dep habarlaıdy QazAqparat tilshisi.
2020 jylǵy 26–29 sáýir kúnderi ótken kolledj stýdentteriniń arasyndaǵy qashyqtyqtaǵy teatr festıvaline T.Júrgenov atyndaǵy qazaq ulttyq óner akademııasy kolledji, J.Elebekov atyndaǵy Respýblıkalyq estrada-tsırk kolledji, Abaı atyndaǵy Jambyl gýmanıtarlyq kolledji jáne Aqan Seri atyndaǵy Kókshetaý joǵary mádenıet kolledjiniń stýdentteri qatysyp, ónerlerin ortaǵa saldy.
Jeńimpazdar «Abaı Qunanbaıulynyń shyǵarmalaryn oqý», «Spektakl» atalymdary boıynsha anyqtaldy.
Sonymen birge, akterlik sheberligimen kózge túskender «Úzdik aktrısa», «Úzdik akter», «Úzdik ansambl» jáne «Úzdik plastıkalyq sheshim» dıplomdarymen marapattaldy.
Sonyń ishinde Abaıdyń «Jastyqtyń oty qaıdasyń?» atty shyǵarmasyn usynǵan Aqan Seri atyndaǵy Kókshetaý joǵary mádenıet kolledjiniń «El Jastar Teatry» eksperımenttik laboratorııalyq jastar teatry «Spektal» atalymy boıynsha júldeli ekinshi oryn aldy. Budan bólek, atalmysh teatr ujymy «Úzdik ansambl» dıplomyna ıe boldy.
Aıta keteıik, «El Jastar Teatry» eksperımenttik laboratorııalyq jastar teatrynyń jetekshisi — Hákim Hasambaı, rejısseri — Farhadbek Qanafın.
